Die fyn gekapte sampioene in hierdie vegetariese gereg gee die heilsame smaak wat maalvleis gewoonlik sou gee
Genoeg vir 4-6 mense
Bereiding: 10 min.
Gaarmaak: 20 min.
15 ml (1 e) olyfolie
4 sprietuie, in skywe gesny
1 selderystingel, in skywe gesny
300 g sampioene, gekap
2 wortels, in blokkies gesny
3 knoffelhuisies, fyn gekap
5 ml (1 t) vinkelsaad, fyngedruk
1 ml (¼ t) brandrissievlokkies
15 ml (1 e) tamatiepasta
2 x 400 g-blikke heel kersietamaties
100 g babaspinasie
350 g spaghetti
sout en peper
- Verhit die olie in ’n groot pan en braai die sprietuie, seldery, sampioene en wortels 5 min. tot versag terwyl jy die knoffel, vinkel en brandrissievlokkies inroer.
- Roer die tamatiepasta saam met die tamaties in en bring tot prutpunt. Laat prut 10 min. tot effens verdik en roer dan die spinasie deur.
- Bring intussen ’n groot kastrol water tot kookpunt en kook die spaghetti volgens die aanwysings op die verpakking.
- Dreineer en roer die bolognese-mengsel in. Geur met die sout en peper en sit voor.
Deur Hope Malau
Foto: Jacques Stander
