Genoeg vir 4-6 mense
Bereiding: 15 minute
Gaarmaaktyd: 20-25 minute
Staantyd: 2 uur of langer
MARINADE
10 ml (2 t) vars gemmer, gerasper
3 knoffelhuisies, fyn gekap
60 ml (¼ k) bruinsuiker
50 ml (10 t) sjerrie
150 ml witwyn
10 ml (2 t) elk oestersous en sojasous
5 ml (1 t) vyfspeserypoeier
hand vol vars koljanderblare, gekap
VLEIS EN GROENTE
250 g lamsboud, ontbeen
wortel- en murgpampoentjierepies
vars spinasieblare, wit stele uitgesny
- MARINADE Roer die bestanddele in ’n kastrol tot die suiker opgelos is.
- Laat ’n paar minute prut, laat dan afkoel en marineer die vleis minstens 2 uur daarin.
- VLEIS EN GROENTE Braai die vleis alkant vinnig bruin. Voorverhit die oond tot 160 °C en plaas die vleis 15 minute in die oond.
- Laat rus en sny in dun skyfies. Plaas ’n skyfie vleis saam met groente op ’n spinasieblaar en rol toe. Sit voor met ’n doopsous.
