Kikker vanaand se aandete op met hierdie heerlike resep.
GENOEG VIR 4-6
Bereiding: 15 min.
Gaarmaak: 20 min.
Sous
125 ml (½ k) tamatiesous
60 ml (¼ k) heuning
2 brandrissies, fyngemaal
60 ml (¼ k) bruinsuiker
15 ml (1 e) Worcestershire-sous
10 ml (2 t) appelasyn
2,5 ml (½ t) knoffelpoeier
2,5 ml (½ t) fyn swartpeper
Sosaties
4 hoenderborsies
2 rooi-uie, in wiggies gesny
- Plaas ’n klein kastrol oor lae hitte. Voeg al die sousbestanddele by en roer om te meng. Laat prut 5 min. tot die suiker opgelos en die sous verdik het.
- Sosaties: Sny die hoenderborsies in happiegrootte-stukke en ryg om die beurt met uie-wiggies aan die sosatiestokke.
- Verf met die sous en braai oor matige hitte in ’n roosterpan – bedruip terwyl jy omdraai. Sit voor met platbrode en groenslaai.
Deur Hope Malau
Foto: David Briers
